Дзень роднай мовы
22.02.2022У каледжы 21 лютага прайшлі мерапрыемствы, прысвечаныя Дню роднай мовы, скіраваныя на выхаванне любові і павагі да беларускай літаратурнай і культурнай спадчыны.
Вучні навучальнай групы № 106лс прынялі актыўны ўдзел у літаратурна-музычнай гасцёўні “Мова – сэрца народа”, што адбылася ў філіяле №1 гарадской бібліятэкі імя Каладзеева. Тут гучалі вершы беларускіх класікаў, навучэнцы разважалі пра важнасць валодання роднай мовай.
Для навучальнай групы № 206лс выкладчыкам беларускай мовы і літаратуры Слабко Ю.П. і бібліятэкарам Анішчанка Н.П. была арганізавана і праведзена гульня “Сваімі словамі”, якая складалася з тураў “Народныя выразы”, “Беларускі фальклор”, “Літаратурная класіка”. Барацьба сярод знаўцаў завяршылася перамогай каманды “Галасістыя птушкі”.
Навучэнцы атрымалі эстэтычную асалоду ад праведзеных мерапрыемстваў, павысілі моўную культуру, узбагацілі слоўнікавы склад беларускімі словамі.