IV чытаннi «Спадчына беларускай педагогікі: ад Еўфрасінні Полацкай да сучаснасці»

Навучэнцы вучэбнай групы 12н Раманоўская Марыя і Шопін Максім пад кіраўніцтвам выкладчыка   беларускай   мовы   і   літаратуры   Слабко   Юліі   Пятроўны   прынялі  ўдзел у IV чытаннях  «Спадчына  беларускай  педагогікі: ад  Еўфрасінні Полацкай да сучаснасці» у анлайн-фармаце.

 У гэтым годзе чытанні былі прысвечаны дзейнасці вядомага беларускага журналіста, педагога, пісьменніка, перакладчыка Анатоля Клышкі. Арганізатарам выступіў Мінскі гарадскі   педагагічны   каледж   сумесна  з  навукова - метадычным   часопісам  «Гісторыя і грамадазнаўства».

У дакладзе з інтрыгуючай назвай «Самая папулярная кніжка пра Францыска Скарыну для дзяцей малодшага і сярэднага школьнага ўзросту» быў прадстаўлены аналіз літаратурнага тэксту кнігі Анатоля Клышкі «Францыск Скарына, альбо як да нас прыйшла кніга». Навучэнцы паведамлялі пра эфект падарожжа па эпохах, звароты да чытача, звярталі ўвагу на прысутнасць смехавой культуры, афармленне кніжкі ў адзінстве зместу і формы.

Пасля даклада ўдзельнікі з гонарам адказалі на ўсе пытанні журы і па  выніках працы 24 снежня атрымалі  сертыфікаты.